Великомученик и целитель Пантелеимон

Икос

Иже руки́ Своея́ го́рстию содержа́й концы́, Иису́се Бо́же, Иже Отцу́
Собезнача́льный и Ду́ху Свято́му совлады́чествуя, я́ко пло́тию, яви́лся еси́,
неду́ги исцеля́я, и стра́сти очи́стил еси́, слепы́я просвети́л еси́, и
разсла́бленнаго сло́вом Боже́ственным совозста́вил еси́, сего́ пра́во ходя́ща
сотвори́в, и одр повеле́л еси́ на ра́мо взя́ти. Те́мже вси с ним воспева́ем и
пое́м: ще́дре Христе́, даждь ми исцеле́ние.

Кондак, глас 3-й

Ду́шу мою́, Го́споди, во гресе́х вся́ческих, безме́стными дея́ньми
разсла́блену, воздви́гни Боже́ственным Свои́м человеколю́бием, я́коже и
разсла́бленнаго воздви́гл еси́ дре́вле, да зову́ Ти спаса́ем: ще́дре Христе́,
даждь ми исцеле́ние.

Кондак, глас 6

На одре болезни лежащего и смертною раною уязвленнаго, якоже иногда
воздвигл еси, Спасе, Петрову тещу и расслабленнаго на одре носимаго: сице и
ныне, Милосерде, страждущаго посети и исцели: Ты бо един еси недуги и болезни
рода нашего понесый и вся могий, яко Многомилостив.

Го́споди, поми́луй. (12 раз)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки
веко́в. Ами́нь.

Прииди́те, поклони́мся Царе́ви на́шему Бо́гу. (Поклон)

Прииди́те, поклони́мся и припаде́м Христу́, Царе́ви на́шему Бо́гу.
(Поклон)

Прииди́те, поклони́мся и припаде́м Самому́ Христу́, Царе́ви и Бо́гу
на́шему. (Поклон)

Молитва

Бо́же си́льный, ми́лостию стро́яй вся на спасе́ние ро́ду
челове́ческому, посети́ раба́ Своего́ сего́ (имя), нарица́юща и́мя Христа́
Твоего́, исцели́ его́ от вся́каго неду́га плотска́го и душе́внаго; и отпусти́
грех, и грехо́вные собла́зны, и вся́ку напа́сть, и вся́ко наше́ствие
неприя́зненно дале́че сотвори́ от раба́ Твоего́.

Предлагаем ознакомиться  Сила самовнушения — Обычный блог про саморазвитие

И воздви́гни от одра́
грехо́внаго, и устро́й его́ во Святу́ю Твою́ Це́рковь здра́ва душе́ю и те́лом, и
де́лы до́брыми сла́вящаго со все́ми людьми́ и́мя Христа́ Твоего́, я́ко Тебе́
сла́ву возсыла́ем, со Единоро́дным Твои́м Сы́ном, и со Святы́м Ду́хом ны́не и
при́сно и во ве́ки веко́в. Ами́нь.

Досто́йно есть я́ко вои́стинну блажи́ти Тя, Богоро́дицу, /
Присноблаже́нную и Пренепоро́чную и Ма́терь Бо́га на́шего. / Честне́йшую
Херуви́м и сла́внейшую без сравне́ния Серафи́м, / без истле́ния Бо́га Сло́ва
ро́ждшую, су́щую Богоро́дицу Тя велича́ем.

Таже: Сла́ва, и ны́не: Го́споди, поми́луй, трижды.

Го́споди, Иису́се Христе́, Сы́не Бо́жий, моли́тв ра́ди Пречи́стыя
Твоея́ Ма́тере, преподо́бных и богоно́сных оте́ц на́ших и всех святы́х, спаси́
мя, гре́шнаго.

Псалом 50-й

Поми́луй мя, Бо́же, по вели́цей ми́лости Твое́й, и по мно́жеству
щедро́т Твои́х очи́сти беззако́ние мое́. Наипа́че омы́й мя от беззако́ния моего́
и от греха́ моего́ очи́сти мя. Яко беззако́ние мое́ аз зна́ю и грех мой пре́до
мно́ю есть вы́ну. Тебе́ еди́ному согреши́х и лука́вое пред Тобо́ю сотвори́х,
я́ко да оправди́шися во словесе́х Твои́х и победи́ши внегда́ суди́ти Ти.

Се бо в
беззако́ниях зача́т есмь, и во гресе́х роди́ мя ма́ти моя́. Се бо и́стину
возлюби́л еси́, безве́стная и та́йная прему́дрости Твоея́ яви́л ми еси́.
Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху
моему́ да́си ра́дость и весе́лие, возра́дуются ко́сти смире́нныя.

Отврати́ лице́
Твое́ от грех мои́х и вся беззако́ния моя́ очи́сти. Се́рдце чи́сто сози́жди во
мне, Бо́же, и дух прав обнови́ во утро́бе мое́й. Не отве́ржи мене́ от лица́
Твоего́ и Ду́ха Твоего́ Свята́го не отыми́ от мене́. Возда́ждь ми ра́дость
спасе́ния Твоего́ и Ду́хом Влады́чним утверди́ мя.

Предлагаем ознакомиться  Значение тату скорпион: фото и эскизы

Научу́ беззако́ныя путе́м
Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же
спасе́ния моего́, возра́дуется язы́к мой пра́вде Твое́й. Го́споди, устне́ мои́
отве́рзеши, и уста́ моя́ возвестя́т хвалу́ Твою́. Яко а́ще бы восхоте́л еси́
же́ртвы, дал бых у́бо: всесожже́ния не благоволи́ши.

Седален, глас 8-й

На одре́ грехо́внем лежа́ща мя, и страстьми́ уя́звлена, и я́коже
воздви́гл еси́ Петро́ву те́щу и спасе́ разсла́бленнаго носи́ма со одро́м, та́ко
и ны́не посети́, Ми́лостиве, боля́щаго, понесы́й неду́ги ро́да на́шего. Тебе́
Еди́наго ве́мы, терпели́ва и милосе́рда, ми́лостива врача́ душа́м и телесе́м,
Христа́ Бо́га на́шего, наводя́ща неду́ги и па́ки исцеля́юща, подава́юща
проще́ние ка́ющимся о согреше́ниих, Еди́наго Милосе́рдаго и Ми́лостиваго.

Слава: Аз гре́шный пла́чуся на одре́ свое́м лежа́, проще́ние ми
пода́ждь, Христе́ Бо́же, и от боле́зни сея́ воздви́гни мя, и я́же есмь от
ю́ности грехи́ сотвори́л, избы́ти ми сих моли́твами Богоро́дицы да́руй.

И ныне: Умилосе́рдися и спаси́ мя, воздви́гни мя от одра́
боле́зненнаго, мощь бо моя́ во мне изнемо́же и весь неча́янием одержи́м есмь,
Ма́ти Бо́жия Пречи́стая, исцели́ неду́гующа лю́те, Ты бо еси́ Помо́щница
христиа́ном.

Тропарь, глас 4

Скорый в заступлении един сый, Христе, скорое свыше покажи посещение
страждущему рабу Твоему, и избави от недуг и горьких болезней и воздвигни во еже
пети Тя и славити непрестанно, молитвами Богородицы, Едине Человеколюбче.

Оцените статью
Эзотерика
Adblock detector